Wala si Barangay Ginebra forward Japeth Aguilar sa team sang Gilas Pilipinas sa nagahilapit nga FIBA World Cup Asian qualifying window.
Duha na ka hampang sang Ginebra sa Philippine Basketball Association (PBA) Governors’ Cup ang wala man sini naintrahan bangud sa injury kag ginabanta nga tatlo ka semana pa ang kalawigon antes siya maka-recover.
Naangkon sang 36-anyos nga veteran forward ang injury sa tuhod sang nakasumpong sang team ang NLEX Road Warriors sang nagligad nga Pebrero 8.
Mangin si Ginebra coach kag Gilas assistant Tim Cone ang nagaduda man kun makapasakop pa si Aguilar sa showdown sang Gilas sa Lebanon kag Jordan.
Antes sini, kabahin na si Aguilar sang 24-man pool sang national team para sa sixth kag final window sang FIBA World Cup Asian qualifiers.
Pananglitan indi gid man maka-recover si Aguilar, daku ini nga kadulaan sa Gilas ilabi na bangud ginalauman nga wala man sa team si Kai Sotto sa ila hampang sa Lebanon sa Pebrero 24 kag batok sa Jordan sa Pebrero 27.
Naga-average si Aguilar sang 13.5 points, 4.0 rebounds, kag 2.0 assists sa duha sini ka appearances para sa Barangay Ginebra sa season-ending conference. ##
