ILOILO CITY – Nagapanguna ang Golden State Warriors star nga si Stephen Curry para sa Filipino basketball fans kun basehan ang jersey sales sang NBA Store Philippines sa first half sang 2022-23 regular season.
Nagapangibabaw man ang reigning National Basketball Association champions nga Golden State Warriors sa tanan nga teams sa merchandise ranking list sa pinakauna nga tion humalin sang 2016-17 season.
Si LeBron James sang Los Angeles Lakers nga sang damlag lang, nag-break sang all-time scoring record, ang nagapangaduha sa jersey sales samtang si Luka Doncic(donsich) sang Dallas Mavericks ang ikatatlo.
Samtang, si Jayson Tatum sang league-leading Boston Celtics kag si Kevin Durant nga gin-trade sang Brooklyn Nets sa Phoenix Suns, ang sulod sa top five.
Lakip sa top 10 amo sanday Giannis Antetokounmpo sang Milwaukee Bucks, Ja Morant sang Memphis Grizzlies, Trae Young sang Atlanta Hawks, Kawhi Leonard sang Los Angeles Clippers kag Devin Booker sang Suns.
Ang Lakers naman ang ikaduha sa team merchandise nga ginasundan sang Mavericks, Nets kag Bucks.
Nagapanguna man si Curry sa jersey sales sa first half sang nagligad nga season.
