Pilason ang isa ka pintor matapos gintiro sang kasilingan sa Zone 3, Barangay Rizal Estanzuela, Iloilo City Proper.
Ang biktima amo si Antonio Estrella, 28, residente sang amo nga lugar.
Ginapahayag nga mag-amay ang suspek apang lunsay nagpalagyo.
Sa interview sang Bombo Radyo kay Police Captain Mavin Laraño, hepe sang Iloilo City Police Station 1, iya ginpahayag nga sa inisyal nga imbestigasyon, nagpalapit ang biktima sa tyangge sang suspek kag nag-istorya.
Sang ulihi suno kay Laraño, ginhampak sini sang baseball bat ang dingding nga amo ang rason sang komosyon.
Indi pa maathag kun ano ang ginhalinan ukon ginbaisan kag kun may daan na nga hiligut-an sa tunga sang duha ka kampo.
Ginahibalo man kun ano nga armas ang gingamit.
Ginapahayag nakaangkon sang pilas sa kamot kag likod ang biktima kag ginhingagaw dala sa ospital. ##
*This is a developing story.
