Milagro kun kabigon sang Polish-British couple ang natabo sa ila pamilya sa mismo Valentine’s Day bangud sa pagbun-ag sang misis sa premature quintuplets!
Antes ang lima ka mga bata nga dungan nga ginbun-ag ni Dominika Clarke sa isa ka ospital sa Krakow, Poland, may yara na sila nga daan nga pito ka mga anak sang iya bana nga si Vince.
Suno sa misis, plano lang kuntani nila nga mag-angkon sang ika-walo nga bata apang wala man naghaum nga set gali ini sang quintuplets — tatlo ka baby girls kag duha ka baby boys!
Na-deliver ang babies paagi sa caesarean apang nag-require pa sang respiratory support bangud naga-edad pa lamang sila sang 29 weeks.
Ang babies ang ginpangalanan nga sanday Arianna Daisy, Charles Patrick, Elizabeth May, Evangeline Rose kag Henry James.
“Miracle” ini para kay Dominika, kag suno pa sa iya, “As a mathematician, I like these kinds of statistics. We had a greater chance of winning the lottery than having this crowd.”
Ginapahayag “1 in 55,000,000 births” ang tyansa sa pag-angkon sang quintuplets. ##
