ILOILO CITY – Ginalauman nga maga-abot na sa katapusan subong nga bulan sang Pebrero ang una nga batch sang modernized jeepney nga gin-utang sang Western Visayas Transport Cooperative.
Sa interview sang Bombo Radyo kay Mr. Reymundo Parcon, chairman sang Western Visayas Transport Cooperative, iya ginpahayag nga ang 95 ka mga units sa 553 ka mga units ang una nga batch sang mga modernized jeepneys.
Ini ang natalana nga igalunsyar sa Marso 17 kag i-deploy sa 13 ka mga ruta sa pila ka mga terminals.
Suno kay Parcon, posible nga sa bulan sang Mayo maga-abot ang ikaduha nga batch.
Ginalauman naman nga mapatuman na ang full modernization sa masunod nga tuig.
