ILOILO CITY – Magatutok sa social services si Iloilo First District Board Member Jo Ann B. Germinanda.
Si Germinanda ang nagsumpa subong gid lamang nga aga matapos ang flag-raising ceremony sa Iloilo Provincial Capitol.
Siya ang nagtal-os kay Department of Social Welfare and Development VI Director Carmelo Nochete.
Sa interview sang Bombo Radyo kay Germinanda, iya ginpahayag nga tinguhaan niya nga ma-enhance pa ang mga programa sang probinsya para sa mga persons with disability agud nga mas madamo pa sang mabuligan.
Bangud bag-o pa lamang, magapangonseho anay ini sa kaangay niya nga mga board members, sa Sangguniang Panlalawigan Secretariat kag sa opisina ni Iloilo Vice Governor Christine Garin agud nga hibaluon kun ano ang mga kinahanglanon sang mga barangay kag kabanwahanan sa probinsya sang Iloilo.
