ILOILO CITY – Nag-abot na sa Accra ang bangkay sang Ghana winger nga si Christian Atsu matapos nga nasapwan nga wala na sang kabuhi sa idalom sang narumpag nga building sa southern Turkey.
Ang lungon ni Atsu ang ginbaton sa Kotoko International Airport ni Vice President Mahamudu Bawumia kag sang dako nga military honor guard.
Ang 31 anyos nga si Atsu ang naka-schedule nga magbiya sa southern Turkey pila ka oras antes ang linog apang ginpahayag sang manager sang Hatayspor nga ginpili ni Atsu nga magtinir sa club matapos nga naka-score sang winning goal sa February 5 Super Lig match.
Si Atsu ang nangin kabahin sang Hatayspor sang Setyembre sang nagligad nga tuig matapos ang pag-upod man sa English Premier League clubs Everton, Chelsea kag Newcastle United.
Nagdaog man ini sang 65 caps para sa Ghana kag nagbulig agud nga makalab-ot sa 2015 Africa Cup of Nations final kun sa diin, ginlutos sila sang Ivory Cost sa penalties.
Ulihi ini nga naghampang para sa Ghana sang 2019.
