ILOILO CITY – Nangin emosyonal si Iloilo First District Board Member Jo Ann Germinanda sa iya inaugural speech sa 14th Sangguniang Panlalawigan.
Sa speech ni Germinanda, ginpasalamatan sini ang ginakabig niya nga “mentors” humalin pa sang siya ang nagserbisyo bilang Sangguniang Kabataan Municipal President sa banwa sang Guimbal, Iloilo.
Ginbalik-balikan man sini ang tion nga staff pa lamang ini sang isa ka board member kun sa diin, nagapungko lamang ini kag nagapamati sang session.
Ginpasalig man sini ang publiko nga tungdan niya ang iya responsibilidad kag nagpangabay man sang pagsalig kag pag-intindi.
