Nadakpan ang duha ka lalaki sa separado nga drug buy bust operations sa Iloilo City kagab-i, Pebrero 22.
Sa Brgy. San Jose, Arevalo, arestado si Jevy Hemor, 22, residente sang Brgy. San Isidro, Jaro, matapos nakuhaan sang ginapahayag P8,000 nga balor sang suspected shabu.
Natigayon ang operasyon matapos nabaklan ini sang police poseur buyer sang isa ka sachet kabaylo sang P2,000.
Ginpahayag sang otoridad nga duha ka semana man ang monitoring kay Hemor antes ang transaksyon.
Sa Brgy Bolilao, Manduriao naman, nadakpan ang isa ka street-level individual nga si Benjie Gella, 36, residente sang amo man nga barangay.
Suno sa police report, apat ka plastic sachets ang natigayon nga nakuha sa possession ni Gella lakip na ang duha nga buy-bust item.
Pareho nga preso ang duha kag natalana nga pasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002. ##
