ILOILO CITY – Sa mga asawa, ano na ang pinakamanami nga gift nga ginhatag sang inyo bana sa inyo?
Bulak, alahas, luxury bags, salakyan ukon wala gid?
Sa Thailand, madamo ang nagdayaw sa isa 34-anyos nga lalaki matapos nga ginpa-tattoo sini ang ila nga marriage certificate sa iya kamot bilang regalo niya sa iya asawa.
Ang marriage certificate ang napalibutan pa sang floral frame kag may stamp pa.
Suno kay Vall, walo ka oras ang iya pagpungko sa tattooing chair apang nangin worth it man ini bangud nga napalipay niya ang iya asawa.
Dugang pa niya, ang tattoo ang mangin reminder niya.
Sa tion nga mag-away sila sang iya asawa, tulukon lamang niya ang iya tattoo kag panumdumon ang mga adlaw nga sila ang “passionate” kag “crazy in love” sa isa kag isa.
Paagi sini, panubu-on niya ang iya personal ego kag antuson ang tanan agud nga magapabilin nga malipayon ang ila pamilya kag mapadako nga successful ang ila mga kabataan.
Sa sini nga istorya, mapapa-SANAOL gid kita. But don’t worry. Sa pila ka adlaw, may yara gid sang maabot sa imo kabuhi nga magpabatyag sa imo nga palangga ka, ginarespeto ka kag gina-appreciate.
