Gin-adjust sang Gilas Pilipinas ang lineup sini sa pag-atubang sa Jordan para sa FIBA World Cup Asian qualifiers sa Philippine Arena sa Bocaue, Bulacan 6:00 karon sa gab-i.
Sa baylo nga si Calvin Oftanan, ginpasulod sa national team si Kevin Quiambao para sa ikaduha nga home game sang Gilas subong nga tuig kasunod sang 107-96 nga kadalag-an batok sa Lebanon sang nagligad nga Byernes.
Kaupod ni Quiambao ang naturalized player nga si Justin Brownlee, big men nga sanday Mason Amos, June Mar Fajardo kag Jamie Malonzo, CJ Perez, mag-utod nga sanday Kiefer kag Thirdy Ravena, reigning PBA Most Valuable Player nga si Scottie Thompson, Ray Parks Jr., Jordan Heading, kag si Dwight Ramos.
Wala sang bearing ini nga match bangud pareho na nga kuwalipikado ang duha ka pungsod sa main competition.
Tuyo sang Jordan nga makabalos sa Pilipinas matapos nakaangkon sang mapait nga kalutusan, 76-44, sang nagligad nga Nobyembre 2022.
Sa subong, yara na sa 6-3 ang rekord sang Pilpinas, buot silingon, pangatlo sa Group E, nga nagasunod lang sa Lebanon kag New Zealand nga lunsay may 7-2 records.
Kun magdaog ang Pilipinas, magapangaduha ini sa table kag maga-tie sa second place sa anuman nga team nga malutos sa tunga sang Lebanon kag New Zealand. ##
