ILOILO CITY – Madamo sang mga ordinansa sa syudad sang Iloilo nga wala sa gihapon ginapatuman sang mga concerned offices.
Sa interview sang Bombo Radyo kay Iloilo City Councilor Plaridel Nava, iya ginpahayag nga 90 percent gid sang mga ordinansa ang wala ginapatuman.
Kun may yara man sang mga ginapatuman, ini ang ningas cogon lamang ukon sa una lang ginapatuman.
Suno pa sa konsehal, sa siyam niya ka tuig nga pagpangalagad sang una bilang konsehal sang syudad, madamo na siya sang ordinansa nga ginpasar apang pila lang diri ang ginapatuman kag indi pa consistent.
Nagakadapat suno kay Nava nga ipatuman sang mga concerned office ang mga ordinansa bangud nga nagpangabudlay ang konseho sa pagpasar.
