Nalutos si former world champion Mark ‘Magnifico’ Magsayo sa kamot sang isa man ka former world champion nga si Brandon Figueroa sa World Boxing Council (WBC) interim featherweight title bout sa Toyota Arena sa Ontario, Canada.
Matapos ang 12 ka round sang sambuwa, gindeklarar nga nagdaog ang Mexican-American boxer via unanimous decision, 117-109, 117-109 kag 118-108.
Nabuhinan si Magsayo sang duha ka puntos sa hampang bangud sa holding sa Round 8 kag 11.
Gin-insister sang 27-anyos nga tumandok sang Tagbilaran City nga indi patas ang pag-officiate sang referee sa hampang bangud sa deductions nga iya nakuha.
Nagapati ang Pinoy boxer nga solid punches ang iya ginpangbuy-an kag lunsay nabatyagan sang kasumpong kag siya ang daog kun wala sang ginpangbuhin nga puntos.
Ini ang ikaduha nga pagkalutos ni Magsayo sa iya 26-fight boxing career. Plano sini subong nga magsaka sa 130 pounds matapos ang bilog-karera nga paghampang sa featherweight.
Madumduman nga Hulyo sang nagligad nga tuig sang nalutos man si Magsayo sa kamot ni Rey Vargas sang Mexico nga amo ang nakaagaw sang iya World Boxing Council featherweight crown. ##
