ILOILO CITY – Pabor si Iloilo Governor Arthur Defensor, Jr. sa modernization program apang dapat nga indi madula-an sang palangabuhian ang mga drivers.
Sa interview sang Bombo Radyo kay Governor Defensor, iya ginpahayag nga nagakadapat na nga ipatuman ang modernization sa subong agud nga indi na maggutok pa ang mga kalsada
Apang suno sa natungdan, dapat nga talupangdon man ang mga drivers.
Suno pa sa gobernador, sa tion nga may yara sang transition sa transport system, dapat nga maayo ang pagpatuman sini.
Sa syudad kag probinsya sang Iloilo, may nagabyahe na nga mga modernized jeepneys apang mas madamo sa gihapon ang mga traditional jeepneys.
