ILOILO CITY – Nag-abot na ang expert nagikan sa International Tanker Owners’ Pollution Federation agud nga maglantaw sang epekto sang oil spill nagikan sa naglugdang nga MT Princess Empress sa Naujan, Oriental Mindoro nga nakalab-ot sa Caluya, Antique.
Ang mga apektado nga barangay sa Antique amo ang Sitio Sabang, Barangay Tinogboc, Semirara Island; Sitio Liwagao, Barangay Sibolo, Liwagao Island; kag Barangay Semirara, Semirara Island lunsay sa Caluya, Antique.
Sa interview sang Bombo Radyo kay Lieutenant Commander Jansen Benjamin, spokesperson sang Philippine Coast Guard- Western Visayas District, iya ginpahayag nga nagpahayag na ang nasambit nga eksperto nagikan sa France sa Europe nga may yara sang contractor nga magapatigayon sang clean-up activity sa mga lugar nga apektado sang oil spill.
Sa bahin sang Philippine Coast Guard, nagapadayon man ang ila nga clean-up ativity.
Nagapadayon man ang monitoring sang personnel sang ahensya sa kaiping nga mga lugar agud nga ma-contain ang langis nga posible nga maglapta.
Sa subong, nagdangat na sa 1, 800 ka litro sang langis ang natigayon nga makolekta sang Philippine Coast Guard sa mga isla nga apektado.
Nagdangat naman sa walo ka kilometro ang naapektuhan sang oil spill.
