ILOILO CITY – Ginapa-account sang Police Regional Office VI sa mga provincial kag city directors ang mga personnel nga nagahatag sang seguridad sa mga local officials.
Sa interview sang Bombo Radyo kay Police Brigadier General Leo Francisco, director sang Police Regional Office VI, iya ginpahayag nga may mga reports nga nakalab-ot sa iya talatapan nga may mga personnel nga nagahatag man sang security sa anak ukon sa pamilya sang local officials.
Gin-athag ni Francisco nga ang mga otorisado nga tawo lamang ang mahimo nga mahatagan sang seguridad.
Nagpaandam man si Francisco sa mga unit commanders nga manabat sila sa tion nga mapamatud-an nga may kahilabtanan sa paghatag sang seguridad sa indi otorisado nga mga indibidwal.
