ILOILO CITY – Libre nga ipanghatag para sa tumalan-aw ang lechon nga ipasundayag sa Lechon Festival kadungan sang Paraw Regatta Festival 2023.
Sa interview sang Bombo Radyo kay Ms. Joyce Clavecillas, executive director sang Iloilo Festivals Foundation, Inc., iya ginpahayag nga ang mga lechon ang iplastar sa baybay pagkatapos sang pag-take off sang mga baruto sa Paraw Main Race sa Domingo, Marso 19.
Ginpasalig sang natungdan nga may linyahanany nga ipatuman agud nga indi magdugok ang mga tawo.
Suno kay Clavecillas, 10 ka mga participants ukon establishments ang gina-target nga numero sang participant sa Lechon Festival.
Ginklaro niya nga indi unlimited ang lechon.
Sa subong, bukas pa ang secretariat para sa gusto pa nga magpasakup sa Lechon Festival.
