ILOILO CITY – Ginpalawig pa ang registration para sa mga gusto nga magpsakup sa Paraw Main Race kag Slalom Events.
Sa interview sang Bombo Radyo kay Ms. Joyce Clavecillas, executive director sang Iloilo Festivals Foundation, Inc., iya ginpahayag nga mahimo pa nga magparehistro ang mga grupo sa una nga adlaw sang festival sa Marso 13, halin alas-nueve sa aga tubtob alas-kwatro sa hapon.
Suno kay Clavecillas, ini agud nga mahatagan sang ligwa ang mga gusto nga magpasakup halin sa iban nga lugar.
Ang registration fee ang yara sa P150.
Magluwas sa premyo para sa mga winning group, may batunon man nga premyo ang grupo nga makatapos sang race.
