ILOILO CITY – Ginpahibalo na sang barangay council sang Lapuz Norte, Lapuz, Iloilo City ang mga pumuluyo nga apektado sang rehabilitation sang Budburan Creek sa Lapuz.
Sa interview sang Bombo Radyo kay Punong Barangay Ricardo Flores, iya ginpahayag nga sa pagsinapol sa Marso 17, mahibaluan kun sin-o ang maapektuhan sang rehabilitation.
Ginpahayag man sang natungdan nga Pebrero 17 pa kuntani masugod ang rehabilitation base sa program of works apang tubtob subong, wala sa gihapon sang may gin-ubra.
Matandaan nga ginatudlo sang pila ka pumuluyo nga rason sang pagbaha ang nagkipot nga alagyan sang tubig sa Budburan creek kun sa diin, indi makalusot ang tubig.
