Gin-anunsyo sang Filipino professional volleyball player nga si Aby Maraño ang iya pag-retiro sa Philippine women’s national volleyball team matapos ang pito ka tuig nga serbisyo.
“Nagwakas na ang serbisyo sa bayan, dito naman, dito na lang, dito na palagi. Maraming salamat. Love, Capt. Tyang,” pahayag sang 30-anyos nga veteran volleyball star nga tumandok sang Passi City, Iloilo.
Nangin kabahin siya sang national volleyball team halin sang 2015. Yara siya sa national team sang 2015, 2017, 2019, kag 2021 editions sang Southeast Asian Games, kag siya man ang national team captain halin sang 2018 Asian Games.
Sa iya pagpanguna sa Philippine team, nagpang-apat ang Pilipinas sa 2022 SEA Games sa Vietnam.
Kabahin man siya sa national selection nga naka-secure sang bronze medal sa 2019 ASEAN Grand Prix.
“I am grateful to all the people I worked with, teammates, coaches, and coaches I’ve been with in the years I’ve played for the national team, especially to the people that believed in me,” dugang pa nga pahayag sini. “I will not be there forever, so it’s time for new leadership.”
Ulihi siya nga nangin kabahin sang F2 Logistics nga nakakuha sang semifinal spot sa 2023 Premier Volleyball League All-Filipino Conference. ##
