ILOILO CITY – Ginpangguba kag ginpanggisi ang daan kag wala na ginagamit nga uniform sang pulis sa headquarters sang Iloilo City Police Office sa Camp Achilles D. Plagata.
Sa interview sang Bombo Radyo kay Police Major Shella Mae Sangrines, spokesperson sang Iloilo City Police Office, iya ginpahayag nga ang mga daan nga uniporme ang nagikan sa mga personnel nga assigned sa headquarters kag mangin sa mga units kag police stations sa syudad.
Katuyuan sang amo nga programa nga malikawan nga magamit sang mga indi katapo sang Philippine National Police ang uniporme ilabi pa sa pagkomiter sang krimen ukon ano man nga violation.
Pahayag ni Sangrines, mangin ang sibilyan pamilya ukon abyan sang isa ka pulis ang indi mahimo nga magsuksok sang uniporme nila sa bisan ano man nga rason.
