ILOILO CITY – Nagpasalamat ang aktor kag TV host nga si Vhong Navarro matapos nga ginbasura sang Supreme Court ang rape kag acts of lasciviousness cases nga ginpasaka batuk sa iya bangud nga wala sang probable cause.
Ginpahayag man ni Navarro nga nagapati na ini nga may justice system ang Pilipinas bangud sang ruling.
Sang Lunes, ginpagwa sang High Court ang desisyon sang Pebrero 18 nga naga-reverse kag naga-set aside sang desisyon sang Court of Appeals nga gin-issue sang July 2021 kag September 2022 nga naga-direct sa Department of Justice agud nga i-revive ang kaso batuk sa aktor.
Ang kaso ni Navarro ang nag-ugat sa tatlo ka separado nga rape complaints nga ginpasaka ni Deniece Cornejo sang 2014 tubtob 2015 sa Taguig City Fiscal Office.
Ang mga kaso ang ginbasura na sang fiscal bangud nga wala sang probable cause.
Ang ikatatlo nga kaso ang nakalab-ot sa Department of Justice apang ginbasura sang 2018 bangud sang wala nagasanto nga testimoniya sang biktima.
Nagdangup ang kampo ni Cornejo sa Court of Appeals nga amo ang nagmandu sa Taguig City Fiscal Office nga magpasaka sang two counts sang rape and acts of lasciviousness batuk sa aktor.
Ginpaathag sang Court of Appeals ang ang korte ang may jurisdiction agud nga matumod kun bala, may yara sang grave abuse sa discretion sa ruling sang Department of Justice nga nagapabor sa piskalya kag gin-dismiss ang mga kaso.
Apang, ginpahayag sang Supreme Court nga ang fiscal lamang ang makatumod kun may basehan sa pagpasaka sang kaso kag indi mapwersa ang indibidwal nga magpaidalom sa trial kun ang fiscal ang nagpahayag nga wala sang bastante nga ebidensya para sa isa ka kaso.
