ILOILO CITY – Nagpadala sang sulat si Iloilo City Mayor Jerry Treñas sa mga airline companies para madugangan ang mga domestic flights sa Iloilo International Airport.
Ini ang kasunod sang reklamo sang mga bisita sang syudad nga mabudlay mag-book sang flight bangud nga limitado lamang.
Sa interview sang Bombo Radyo kay Treñas, iya ginpahayag nga ini na ang tion para sa mga airline companies nga lantawon ang sitwasyon sang Iloilo kun sa diin, madamo na sang mga bisita nga nagapadulong ilabi na ang mga nagatambong sa mga trainings kag conferences.
Dugang pa niya, kung may yara sang access sang flights, mas madamo pa ang interesado nga magpatigayon sang mga conference sa syudad.
Sa international flights naman, ginpahayag ni Treñas nga indi pa handa ang pila sa mga airline companies.
