ILOILO CITY – Nagmandu na si Iloilo City Mayor Jerry Treñas sa Iloilo City Engineering Office kag Iloilo City Public Safety and Transportation Office nga magbutang sang dugang nga mga pedestrian lanes sa mga highways sa syudad.
Ini matapos nga madamo sang mga tawo ang nagataklas sa baral kun magtabuk sa dalan.
Sa interview sang Bombo Radyo kay Treñas, iya ginpahayag nga indi man niya mabasol ang mga tawo kun magtaklas sa mga baral kun malayo man ang mga pedestrian lanes.
Bangud sini suno kay Treñas, ginmandu niya ang pagbutang sang dugang nga mga pedestrian lanes kag pagbukas sang iban nga mga baral sa mga highways sa syudad.
Apang, pahayag sang alkalde, dapat indi man ini delikado para sa mga pedestrian kag sa mga motorista.
Ginmandu man niya ang pagdugang sang mga rumble strips.
