Napatay na sa edad nga 60-anyos ang prolific actor nga si Lance Reddick nga kilala bilang isa ka police commander nga si Cedric Daniels sa Baltimore crime drama nga βThe Wireβ kag popular man bilang si Charon sa action-thriller movie franchise nga John Wick.
Suno sa publicist sang aktor, napatay si Reddick bangud sa natural causes sa iya puluy-an sa Los Angeles. Wala pa sang ginpatpat nga detalye sa iya kamatayon kag ginahingyo ang publiko nga respetuhon ang privacy sang nagalalaw nga pamilya.
Isa ka daku nga kadulaan sa entertainment industry si Reddick. Para sa iya βWireβ co-star nga si Wendall Pierce, makabig ang aktor bilang βman of great strength and graceβ.
βAs talented a musician as he was an actor. The epitome of class. A sudden unexpected sharp painful grief for our artistic family. An unimaginable suffering for his personal family and loved ones. Godspeed my friend. You made your mark here,β kabahin sang tribute ni Pierce.
Magluwas sa performance sa The Wire kag John Wick, nadugangan pa ang credits sa pangalan ni Reddick bangud sa iya memorable part sa βLostβ kag regular roles sa Fox sci-fi series nga βFringe,β βBoschβ sa Amazon, kag sang sini lang, βResident Evilβ nga version sa Netflix. ##
