Gin-share sang aktres nga si Trina Legaspi nga nabun-ag na sini ang iya baby girl, ang ila una nga anak sang iya bana nga si Ryan Jarina.
Gin-welcome sang mag-asawa ang ila baby nga si Kaela sang nagligad nga semana.
Walo ka oras ang labor suno kay Trina gani amo na lang ang pasalamat sini sa medical team kag sa iya pamilya nga nagbulig sa iya agud nga mapaguwa ang baby.
“Last week at 5:09 pm, our lives changed forever! 8 hours of labor and 1 hour of pushing, thank you Lord for giving me the strength!,” suno sa first-time mom. “Welcome to the world, Baby Kaela! Parang nag-slow mo ‘nung narinig ko na iyak niya, sobrang surreal, ‘di ko mapigilan umiyak. You are worth all the pain our baby girl. Daddy and I love you so much!”
Nobyembre 2021 sang nagpasakal sanday Trina kag Ryan.
Kilala si Trina bilang child star nga si Hopia nga produkto sang sketch comedy kaupod sanday Kathryn Bernardo kag Julia Montes.
Nag-untat siya anay sa showbiz agud pasulabihon ang iya pagtuon, nag-gradwar nga may degree sa communications sang 2016, kag nagbalik sa spotlight nga may screen name nga Trina Legaspi. ##
