Magapauli sa labing-una nga tion sa Pilipinas ang Filipino-American actress nga si Vanessa Hudgens agud mag-film sang travel documentary sa Manila kag Palawan subong nga Marso.
Ini nga documentary film ang magapakita sang family history kag Filipino roots ni Vanessa lakip na ang iya relasyon sa iya iloy nga si Gina kag iya utod nga si Stella.
“I feel like ours is such a relatable story to so many women all over the world. The more that we can share, the more we can lift each other up,” suno sa aktres.
Sang 2022, matandaan nga ginpahayag ni Vanessa nga nagalaum siya nga mahimo nga isa ka pelikula ang immigrant story sang iya Filipina mother.
Wala pa sang titulo ang project kag wala pa sang distributor apang natalana na nga i-direct ni Paul Soriano nga amo ang Presidential Adviser for Creative Communications.
Kilala si Vanessa mga pelikula nga “High School Musical”, “Bad Boys for Life”, “Spring Breakers”, “The Princess Switch” series, kag “Tick, Tick…Boom!”
Engaged siya sa baseball player nga si Cole Tucker. ##
