Indi makahibalo sang iya batyagon ang isa ka pari sang hinali lang ini nga ginpadulog sang pulis kag diutayan lang nga gin-hold sa pagdumdum nga nagpatay ini sang tawo kag ginkarga sa iya nga salakyan.
Ang pari amo si Fr. Jonel Peroy sa President Roxas town sa Cotabato province.
Halin si Father Jonel sa Digos City sa Davao del Sur kag pauli na dala ang life-size Santo Entierro ukon ang patay nga Kristo nga gamiton kuntani para sa Semana Santa.
Pauli na si Father sang ginparahan ini sang pulis sa Kidapawan City, ang provincial capital sang Cotabato.
Ginpaguwa ang pari sa salakyan bangud kuno nga may karga ini nga patay nga tawo.
Nagapamalhas ang pari sa pagpaathag nga patay nga Kristo ang iya nga dala, apang indi magpati ang mga pulis kag ginpaagi gid sa inspeksyon. Kinahanglan pa ni Father nga buksan ang putos sang Santo Entierro kag sugidan ang mga pulis nga isa sya ka pari agud nga mag-untat na sila sa pagpamangkot.
“They asked me to [alight] to take a close look at what I had inside my car. They really suspected that something [was off] because of how my cargo [appeared]; it really looked like a dead man, wrapped in plastic. Of course, it was the dead Christ. I was really perspiring. I unwrapped the Santo Entierro and told them that I’m a priest so that they would stop asking so many questions,” pahayag sang pari.
Sang na-realize naman sang mga pulis nga si Kristo matuod ang dala ni Father,nangayo man sila sang pasaylo bangud abi nila, may napatay si Father kag ginkarga lang sa salakyan agud nga ihal-id sa dalan. ##
