ILOILO CITY – Ginapanan-aw nga mangin triple pa ang negosyo sa tunga sang Pilipinas kag sa 11 ka iban pa nga Asian markets sa 2030.
Ini ang suno sa pagtuon sang global shipping kag logistics firm nga United Parcel Service nga ginpatigayon sang Enero tubtob Pebrero sang nagligad nga tuig sa 198 ka mga negosyo nga nahamtang kag may trade interests sa 12 ka Asian markets.
Particular nga magasanyog ang negosyo sa manufacturing sector nga maga-triple nagikan sa $113 billion ukon P6,154 trillion sang 2020 tubtob sa $393 billion ukon P21,403 trillion sa 2030.
Ang 12 ka mga Asian markets nga sakup sang pagtuon amo ang Australia, China, Hong Kong, Indonesia, Japan, Malaysia, Philippines, Singapore, South Korea, Taiwan, Thailand kag Vietnam.
Sa amo man nga pagtuon, nakita nga ang digitalization, building supply chain resilience kag multilateral cooperation sa international trade ang pila sa mga significant opportunities para sa mga Filipino businesses.
Gingamit man ang data nagikan sa International Trade Center, sa World Bank, sa International Monetary Fund, kag sa United Nations Department for Economic and Social Affairs.
