ILOILO CITY – Ginpasa na sang Samahang Basketbol ng Pilipinas ang 28-man national pool sa Philippine Olympic Committee antes pa man ang nagahilapit nga 32nd Southeast Asian Games basketball tournaments sa Cambodia subong nga bulan sang Mayo.
Ang nagapanguna para sa Gilas Pilipinas men’s basketball pool amo sanday Philippine Basketball Association Most Valuable Players nga sanday June Mar Fajardo kag Scottie Thompson kag amo man ang naturalized player nga si Justin Brownlee.
Lakip man sa listahan amo sanday Japeth Aguilar, Kevin Alas, Raymond Almazan, Aaron Black, Poy Erram, Jeremiah Gray, Marcio Lassiter, Jamie Malonzo, Chris Newsome, Calvin Oftana, CJ Perez, RR Pogoy, Stanley Pringle, Chris Ross, Brandon Rosser, Christian Standhardinger, Arvin Tolentino, Mason Amos, AJ Edu, Jerom Lastimosa, ang mag-utod nga sanday Ben kag Mike Phillips, Kevin Quiambao, Schonny Winston kag Mikey Williams.
Sang nagligad nga Southeast Asian Games, napaslawan nga makakuha sang gold medal ang Pilipinas sa pinakauna nga tion humalin sang 1989.
Duha gid lamang sa mga myembro sang team ang yara sa pool nga sanday Fajardo kag Pogoy.
Samtang, ginpasa man sang Gilas Women national team ang ila nga listahan sa katuyu-an nga makuha ang ikatatlo nga sunud-sunod nga gold medal sa Southeast Asian Games.
Ini ang ginalakipan nanday Jack Animam, Stefanie Berberabe, Afril Bernardino, Kate Bobadilla, Chak Cabinbin, Mikka Cacho, Khate Castillo, Clare Castro, Kristine Cayabyab, Camille Clarin, Monique Del Carmen, Kacey Dela Rosa, Ella Fajardo, Aurea Gingras, Katrina Guytingco, Mai Loni Henson, Jhazmin Joson, Kennan Ka, Louna Ozar, Ann Pingol, Janine Pontejos, Sofia Roman, Angel Surada, Andrea Tongco, kag Kristan Yumul.
Sa 3×3 men’s and women’s tournaments, sanday naturalized player Ange Kouame, Almond Vosotros, Brandon Bates, Alfred Batino, Samboy De Leon, Joseph Eriobu, Lervin Flores, Jeffrey Manday, Jorey Napoles, kag Joseph Sedurifa ang nagabug-os sa men’s pool.
Sa women’s pool naman, ginalakipan ini nanday Animam, Bernardino, Castillo, Castro, Cayabyab, Dela Rosa, Henson, kag Pontejos.
