ILOILO CITY – Magapadulong sa Pilipinas ang sung-and-rapped-through musical nga “Hamilton” sa September subong nga tuig sa The Theatre at Solaire.
Ini ang gin-anunsiyo sang actor-playwright nga si Lin-Manuel Miranda.
Suno sa actor, madamo sang mga Filipino nga kabahin sang Hamilton pamilyaI sa bilog nga kalibutan gani, dal-on nila ang show diri sa pungsod.
Ang staging sang multi-awarded musical sa Manila ang maga-marka sang ila Asia premiere.
Wala pa gin-anunsiyo ang kabahin sang cast.
Ang ‘Hamilton’ nga ginsulat mismo ni Lin-Manuel Miranda ang naga-narrate sang kabuhi ni Alexander Hamilton, isa sa North America’s foremost founding fathers.
Ang play ang base man sa libro nga ‘Alexander Hamilton.’
Ini ang una nga ginpakita sang 2015.
Sang 2017, ang Filipina singer nga si Rachelle Ann Go ang nag-debut bilang si Eliza ukon Elizabeth Schuyler, ang asawa ni Hamilton, sa West End Production sang play.
Ang iban pa nga Filipino artists nga nangin kabahin sang production amo sanday Marc dela Cruz, Karla Puno Garcia, Christina Glur, kag Christine Allado.
Sang 2016, nakuha sang musical ang 11 ka mga Tony awards.
