ILOILO CITY – Nagpasalig ang Department of Public Works and Highways Region VI nga hitsuon man ang lubak-lubak kag mayab-o nga dalan sang idalom kag pangilid sang bag-o gid lamang ginbuksan nga Buhang flyover.
Kahapon, nagsugod na ang tatlo ka adlaw nga dry-run activity sa nasambit nga flyover.
Sa interview sang Bombo Radyo kay Engr. Jose Al Fruto, Assistant Regional Director sang Department of Public Works and Highways Region VI, iya ginpahayag nga wala nalakip sa P315 million nga budget ang pagpakay-o sang dalan.
Suno pa sa iya, sa masunod pa nga tuig mangin available ang budget.
Nagpasalig naman ang natungdan nga apisar wala pa sang budget, tinguha-an sang ahensya nga mahimo maagyan ang dalan, mainit man ukon maulanon.
