ILOILO CITY – Magabukas ang Commission on Higher Education sang 13,455 slots sa idalom sang Merit Scholarship Program para sa incoming freshmen subong nga Academic Year 2023-2024.
Ang Merit Scholarship Program ang isa ka government-funded scholarship nga may katuyuan nga suportahan ang mga academically talented students, ilabi na ang mga nalakip sa special groups kaangay sang: underprivileged kag homeless citizens; persons with disability; kag solo parents ukon ang ila dependents.
Sa interview sang Bombo Radyo kay Commission on Higher Education Chairman Dr. J. Prospero de Vera, iya ginpahayag nga ini ang bukas para sa mga incoming freshmen nga luyag magpadayon sang ila undergraduate studies sa anuman nga recognized priority programs sang Commission on Higher Education, sa private higher education institutions ukon state universities and colleges kag local universities and colleges.
Ang kwalipikado nga estudyante ang mahimo mahatagan sang full ukon partial scholarship sa idalom sang State Scholarship and Private Education Student Financial Assistance.
Ang financial assistance ang mahimo maggamit sa pagbayad sang tuition kag iban pa nga fees kag sa monthly stipend para sa living expenses.
Samtang ang scholarship program ang gamiton para sa tuition kag iban pa nga fees, stipend nga direkta nga ihatag sa mga scholars ukon Higher Education Institution kag libro ukon connectivity allowance per semester tubtub matapos ang degree program.
Ang successful applicants ang makabaton sang annual scholarship nga P120,000 kag P80,000 para sa Philippines Higher Education Institutions, state universities and colleges kag Local Universities and Colleges.
Ang election process ang mangin highly competitive kag ang mga aplikante ang i-rank base sa ila requirements.
