ILOILO CITY – Kung may mapatay gani nga myembro sang pamilya, gilayon gid kita nga nagahimos agud nga malubong na labing madali nga panahon.
Sa kinaandan, isa lamang ka bulan ang pinakadugay nga haya sang bangkay kag ginalubong sa gilayon.
Apang, sa South Africa, naglawig pa sa duha ka tuig ang ginhulat sang pamilya agud nga ilubong ang pari nga napatay sang 2021 kag nagtinir pa sa mortuary sa sulod sang 600 ka adlaw.
Ini bangud nga nagapati ang pamilya nga mabanhaw pa ini.
Si Siva Moodley ang founder sang The Miracle Centre sa Gauteng.
Matapos nga napatay ini bangud sa masakit, ang iya pamilya ang nagabalik sa mortuary agud pangamuyu-an ang iya pagbalik.
Wala man nila ginhatagan sang otoridad ang mortuary nga ilubong ini kag i-cremate.
Nagligad ang mga binulan, gina-contact sang mortuary ang iya pamilya agud nga malubong na ang pastor bangud sa serious health and environmental risks.
Wala nagapasugot ang pamilya tubtob nga nagdangop na sa korte ang tag-iya sang morgue.
Suno sa pamilya, nagapati sila nga mabanhaw pa ang pastor.
Apang, bangud nga mangin ang mga local authorities ang nagareklamo na sa health hazards sang lawas, nagpasugot ang korte nga ilubong na ini.
Sining damlag lang, ginlubong na gid man ang bangkay ni Moddley.
Ang iya asawa kag mga kabataan ang wala nagtambong sa seremonya.
