ILOILO CITY – May yara sang pila ka mga elected officials sa syudad nga nakabaton sang pamahog sa ila kabuhi.
Sa interview sang Bombo Radyo kay Police Colonel Joeresty Coronica, director sang Iloilo City Police Office, iya ginpahayag nga low level lamang ang pamahog nga nabaton sang pila ka mga officials.
Suno sa iya, ang mga pamahog ang nakuha sang mga opisyal bangud sa ila nga trabaho.
Ginpanugyanan sila sang kapulisan nga mangin security conscious kag indi maghatag sang kumpyansa.
Nagpanawagan man ang natungdan sa mga opisyal nga magpadulong sa ila sa tion nga may mabaton nga pamahog.
Sa subong, nagapadayon sa gihapon ang local threat assessment sang Iloilo City Police Office sa mga opisyal sa sa syudad.
