ILOILO CITY – Malapit sa 6, 000 ka mga personnel ang gin-deploy sang Police Regional Office VI bilang kabahin sang “Ligtas SumVac” (Summer Vacation) 2023 campaign.
Sa 5, 904 nga personnel, 2, 332 diri ang nagikan sa Philippine National Police, 764 ang augmented personnel nagikan sa Bureau of Fire Protection kag Armed Forces of the Philippines.
May yara naman sang 2,808 nga force multipliers.
Sa interview sang Bombo Radyo kay Police Major Mary Grace Socorro Borio, spokesperson sang Police Regional Office VI, iya ginpahayag nga ang ini nga mga personnel ang gin-deploy na sa mga places of worship, major thoroughfare, transport hubs, places of convergence kag commercial areas.
Dugang pa niya, ang mga ini ang magapabilin sang kalinong sa lugar kag maga-standby sa police assistance desk nga ginpahamtang.
Ginpasalig man sang Police Regional Office VI nga may nabilin sa gihapon sa mga police stations.
Nagpahanumdom naman si Borio sa publiko nga mangin alerto sa tanan nga tion kag mag-report sa kapulisan sa tion nga may ma-obserbaran nga makaduluda sa palibot.
