Gin-anunsyo sang Disney kag ni Dwayne Johnson nga gina-trabaho subong ang live-action remake sang animated film nga Moana!
Wala pa sang release date nga ginsapubliko, apang suno kay Johson nga amo ang boses sa likod sang demi-god nga si Maui, magabalik sanday “Moana, Gramma Tala, the music, the dance, the Te Fiti, Pua the pig, the village, the beautiful, power Ocean” kag syempre si Heihei chicken!
Sa announcement video, ginpahayag ni Johnson nga inspirasyon diri ang iya lolo nga si former World Wrestling Entertainment star Peter Maivia.
Ang movie ang iga-produce ni Johnson, Dany Garcia, Hiram Garcia, kag Beau Flynn.
Si Auli‘i Cravalho nga amo ang boses sa likod ni Moana sa 2016 original amo naman ang maga-serbe nga executive producer.
Wala pa nasapubliko kun sin-o ang mangin director.
Ang Moana isa ka istorya sang isa ka bata nga ginpili sang dagat nga mag-reunite sang mystical relic sa goddess nga si Te Fiti. Sa amo nga journey nakilala ni Moana ang exiled demigod nga si Maui nga amo ang naggiya sa iya sa amo nga quest.
Ang live-action version sang Moana amo ang dugang sa growing slate sang Disney live-action remakes lakip na sa Beauty and the Beast, Aladdin, The Lion King, Mulan, ang upcoming The Little Mermaid, kag madamo nga iban pa. ##
