ILOILO CITY – Nakalatag na ang traffic kag security plan para sa deployment sa Parola Wharf kadungan sang Byernes Santo subong nga adlaw.
Sa interview sang Bombo Radyo kay Mr. Jeck Conlu, pinuno sang Public Safety and Transportation Management Office, iya ginpahayag nga naka-blue alert status ang disaster council sang syudad, buot silingon, ang tanan nga resources ang naka-standby.
Suno kay Conlu, sa Parola Wharf kun sa diin maka-agi ang ginabanta 18, 000 ka mga deboto padulong sa probinsya sang Guimaras, may ipahamtang nga water station ang Metro Pacific Iloilo Water kun sa diin, libre nga makakuha sang tubig ang publiko.
Dugang pa niya, may yara man sang ambulance station para sa emerhensya kag mga portalets nga mahimo magamit sang mga byahero.
May ipahamtang man nga mga tents agud nga indi mainitan ang mga nagapila.
Nahibaluan nga indi na mahimo nga magsulod ang mga public utility vehicles malapit sa Parola Wharf.
