ILOILO CITY – Ginkamasa-an sang Philippine women’s national football team ang Tajikistan sa ila ikaduha nga hampang sa 2024 AFC Women’s Olympic Qualifying Tournament, 8-0.
Pito ka mga players ang nagpatay-og sang net sa Hisor Central Stadium nga nagresulta sa improvement sang Filipinas sa 2-0 sa Group E sang Olympic qualifiers.
Patas na sila sa Hong Kong nga may six points, apang ang Filipinas ang yara sa top sang grupo pinaagi sa isa ka superior goal differential.
Sa 27th minute, naka-goal ang Filipinas pinaagi kay Sofia Harrison.
Pagkatapos sang duha ka minutos, naka-goal naman ang skipper nga si Tahnai Annis.
Pagkaligad sang duha ka minutos, naka-score naman si Carleigh Frilles.
Sunud-sunod naman ang score nanday Quinley Quezada sa 35th minute kag Meryll Serano 38th minute.
Gintapos ni Maya Alcantara ang first half sang hampang pinaagi sa isa ka goal nga nagresulta sa 6-0 advantage.
Padayon nga nangin aggressive ang Filipinas sa second half pinaagi sa goals ni Chandler McDaniel sa 60th kag 89th minute.
Ang team ang maga-wrap up sang ila campaign sa Martes, Abril 11 batuk sa Hong Kong kun sa diin, ang magadaog ang maka-secure sang chance para sa second round sang Olympic qualifiers.
