Nagapati si Bangko Sentral ng Pilipinas Governor Felipe Medalla nga posible malab-ot ang mas manubo pa sa 2% nga inflation rate sa tuig 2024.
Sa katapusan nga Monetary Board policy meeting, gina-forecast sang Bangko Sentral ng Pilipinas ang average inflation nga six percent para sa 2023 kag 2.9 percent para sa 2024.
Apang para kay Medalla nga isa ka ekonomista kag anay dean sang University of the Philippines School of Economics, posible ang below two percent inflation sa tunga-tunga sang 2024 kun basehan na ang pinakaulihi nga forecasting models.
Matandaan nga sa ginpaguwa nga data sang Philippine Statistics Authority, nagpanaog sa 7.6% ang inflation sang Marso, apang ang average inflation subong nga tuig ang yara gihapon sa 8.3%.
Ginpasalig naman ni Finance Secretary Benjamin Diokno nga prayoridad sa gihapon sang administrasyon nga matapna ang inflation kag maglatag sang immediate kag long term solutions apisar nga nakit-an nga nagnubo na ini sa Marso.
Matandaan man nga nag-umpisa sang Abril 2022 nga mas mataas ang inflation sa two percent tubtub sa four percent target sang gobyerno kasunod sang Ukraine war nga may daku nga epekto sa global kag local oil kag non-oil commodity prices.
