Nagpatas na sa 1-1 ang Barangay Ginebra San Miguel kag TNT Tropang Giga sa ila best-of-seven finals series sa 2023 Philippine Basketball Association (PBA) Governors’ Cup.
Ini matapos nakabawi ang TNT sa Game 2 sa Araneta Coliseum kag gintumba ang Gin Kings, 95-82.
Nagpanguna sa Tropang Giga ang resident import nga si Rondae Hollis-Jefferson nga may 23 points, 19 rebounds, kag siyam ka assists.
Daku man ang nabulig ni Mikey Williams nga may 21 puntos, apat ka rebounds, kag tatlo ka assists; amo man ang 17 puntos, pito ka rebounds, kag tatlo ka assists ni RR Pogoy; kag 14 puntos kag 13 rebounds si Calvin Oftana.
Talalupangdon man ang 12 puntos gid lamang nga nakuha ni Justin Brownlee para sa Ginebra. Si Christian Standhardinger ang nagpanguna para sa defending champions nga 29 points kag 11 rebounds.
Sunod nga magaatubangay ang duha ka team sa Byernes sa amo man gihapon nga venue.
