ILOILO CITY – Indi na bag-o ang reklamo sang mga taxi drivers nga nagapanukot ang mga tricycle drivers sa Dumangas Port.
Sa interview sang Bombo Radyo kay Dumangas, Iloilo Sannguniang Bayan member Nelson Nalleca, iya ginpahayag nga sang nagligad pa nga administrasyon nagagwa ang ini nga reklamo apang tubtob subong, wala sang pormal nga reklamo nga nabaton mangin sa police station.
Samtang, agud nga malikawan ang pag-away sang mga tricycle kag taxi drivers, nagdihon sang solusyon ang banwa pinaagi sa pagbutang sang terminal sa trading center.
Suno kay Nalleca, ang tanan nga salakyan ang dira dapat mag-park kag magkuha sang pasahero.
Sa mga may reklamo naman, may yara sang Task Force Puerto nga bukas 24/7.
