ILOILO CITY – Ginpa-Bombo sang mga pumuluyo sang Barangay Baldoza La Paz, Iloilo City ang ginpabay-an nga buho sang Metro Pacific Iloilo Water sa atubang sang terminal.
Sa interview sang Bombo Radyo sa isa ka residente nga si Rany Rubina, iya ginpahayag nga madamo na sang nadisgrasya nga motorsiklo sa lugar bangud sa ginpabay-an nga buho.
Wala man sang may nakabutang nga early warning device nga tuman ka delikado.
Pahayag dugang sang natungdan, may yara man sang ginpabay-an nga buho malapit sa ila balay.
May mga tion suno sa iya nga mangin siya ang nagakalipat kag nagakatumba sa iya bisekleta sa tion nga maglabay sa lugar.
