ILOILO CITY – Indi na madayon subong nga adlaw, Abril 16, ang scheduled power interruption sa portion sang La Paz Feeder 3.
Sa interview sang Bombo Radyo kay Ms. Joy Fantilaga, spokesperson sang More Electric and Power Corporation, iya ginpahayag nga ini ang kasunod sang atrasado nga pagbalik sang kuryente kag ang gin-request nga power interruption sang National Grid Corporation of the Philippines kagab-i sa La Paz Substation kun sa diin konektado ang La Paz Feeder 3.
Agud nga indi na magtuga sang dako nga huol sa mga kunsumidor, ginpakamaayo sang More Electric and Power Corporation nga ipa-iway anay ang scheduled rehabilitation works sa nasambit nga lugar.
