ILOILO CITY – Gin-aprubahan na sang Board of Investments ang P463.3 billion nga balor sang investments sa Pilipinas sa una nga quarter sang tuig.
Sa statement sang ahensya, ginpahayag sini nga ang approved investments ang 155 percent nga mas mataas kun ikumpara sa pareho nga pungsod sang nagligad nga tuig nga nagdangat lamang sa P181.7 billion.
Ini ang nagabug-os sa 68 ka mga proyekto.
Suno sa executive director for investment promotion services nga si Evariste Cagatan, ang figure ang mas mataas sang 40 percent kun ikumpara sa initial target approval subong nga tuig nga nagdangat sa P1 trillion.
Base sa ginpagwa sang ahensya, P165.4 billion ukon halos 36 percent sang P463 billion ang foreign investments samtang ang nabilin ang mga domestic investments.
Ang renewable energy kag power sector ang nagapanguna nga sector nga may pinakadako nga approvals nga nagdangat sa P440 billion kag ginasundan sang manufacturing nga may yara sang P17 billion.
Suno sa opisyal, ginatun-an pa ang mga investment pledges nagikan sa trips abroad ni President Ferdinand Marcos, Jr.
Una na nga ginpahayag sang Malacañang nga nagdangat sa P3.48 trillion ang worth of investment pledges nga naga-cover sang 116 projects ang nakuha sa trip sang presidente.
Sa sini nga data, P239 billion ang na-materialize na sang Pebrero.
