Ano bala ang naga-inspire sa imo nga magtuon sang gamay ka pa?
Ang stars sa imo papel? Ang candies ukon ang paborito nga pagkaon nga baklon sang imo iloy kag amay?
Sa Malaysia, agaw-atensyon gid ang regalo sang mag-asawa sa ila lima ka tuig nga bata agud lamang nga ma-engganyo ini nga mag-eskwela na.
Sini lang nga bulan, may yara sang video ang iloy nga negosyante kun sa diin ginpamangkot sini ang anak nga si Fatima kun ano ang iya gusto para sa iya birthday.
Sabat sang bata, salakyan. Kag indi basta-basta nga salakyan kundi green Mercedes G Wagon ukon BMW.
Nag-promise man ang bata nga makadto na ini sa school kun hatagan ini sang iya gusto.
Sa separado pa nga video, nakatabon na ang mata ni Fatima sang gin-sorpresa siya sang iloy kag amay sang isa ka luxury sports utility vehicle bilang iya nga birthday gift!
Suno sa iloy, grabe ang excitement sang iya anak nga haluson na sini buy-an ang yabi sang amo nga salakyan.
Ginpaathag man sang iloy nga nag-desisyon siya kag ang iya bana nga ihatag kay Fatima kun ano ang gusto sini sa iya birthday agud nga ma-motivate ini nga mag-eskwela kag matuman ang iya handum nga mangin isa ka doktor.
