ILOILO CITY – Nagapadayon ang Iloilo Schools Sports Council Inter-Division Meet 2023 sa Iloilo Sports Complex.
Tatlo ka mga division council ang nagakontrahanay nga amo ang Division of Passi City, Division of Iloilo City, kag Division of Iloilo.
Sa interview sang Bombo Radyo kay Dennis Joseph Pueyo, Tennis Technical Official sa Division of Iloilo, iya ginpahayag nga ang mga magadaog ang maga-represent sa Iloilo sa Western Visayas Regional Athletic Association sa probinsya sang Aklan.
Dugang pa niya, alas-tres subong nga hapon, dapat nga yara na ang tanan nga resulta sang mga sporting events agud nga mahibaluan kun sin-o ang magapadayon sa masunod nga hinampang.
