Lauman nga maga-perform ang American singer-songwriter nga si Katy Perry sa coronation concert ni King Charles sang Britanya.
Kaupod ni Perry ang English pop group nga Take That, Italian tenor nga si Andrea Bocelli, kag American singer-songwriter, record producer, kag television personality nga si Lionel Richie.
Hiwaton ang coronation concert sa Windsor Castle, west sang London, isa ka adlaw matapos ang opisyal nga koronasyon kay King Charles sa Mayo.
May yara man sang multiple reports nga may mga artista nga gintanyagan nga mag-perform kaangay kanday Adele, Elton John, Harry Styles kag Spice Girls apang nagpangindi bangud sa kumplikto sa schedule.
Si Perry ang kilala man nga naka-perform na sa inagurasyon ni US President Joe Biden sang 2021 kag pareho sa Take That kag kay Richie, may kaangtanan man ini sa charitable foundations ni King Charles.
Si Bocelli naman ang nakaagi na perform para sa iloy ni King Charles nga si Queen Elizabeth II nga napatay sang Septyembre sang nagligad nga tuig sa edad nga 96. ##
