ILOILO CITY – Nagpasalig ang Philippine Sports Commission nga ihatag ang bug-os nga suporta para sa Team Philippines nga natalana nga magpasakup sa 32nd Southeast Asian Games sa Mayo 5-17 sa Phnom Penh, Cambodia.
Suno kay Philippine Sports Commission chief Richard Bachmann, lakip sa suporta amo ang funding, supplies, manpower, kag logistics sa tinutuyo nga liwat nga makuha sang pungsod ang overall championship matapos nga napaslawan ini sang nagligad nga edition sa Vietnam.
Ang Pilipinas ang magapadala sang 840-string delegation sa biennial meet nga maga-compete sa 38 ka mga events.
Lakip sa mga nagapanguna sa Philippine delegation amo sanday 2020 Tokyo Olympics silver medalists Nesthy Petecio kag Carlo Paalam; world gymnastics ace Carlos Yulo; kag world no. 3 pole vaulter nga si EJ Obiena.
Ang Olympic gold medalist kag weightlifting champion nga si Hidilyn Diaz naman ang indi mag-compete.
