Isa ka daog na lang ang kinahanglan sang TNT Tropang Giga antes maagaw ang kampeonato gikan sa Barangay Ginebra sa PBA Governors’ Cup.
Abanse na ang TNT sa serye, 3-2, matapos ginlampaso ang Gin Kings sa Game 5 sang finals sa atubang sang masobra 10,000 ka fans sa Smart Araneta Coliseum, 104-95.
Nagpanguna sa Tropang Giga ang resident import nga si Rondae Hollis-Jefferson nga may triple-double of 32 points, 16 rebounds kag 10 assists.
Nakaamot si Calvin Oftana sang 20 points samtang si Mikey Williams naman ang may yara sang 15.
Talalupangdon man nga wala nakahampang ang Gin Kings import nga si Justin Brownlee sa second half bangud sa “severe” food poisoning. Ini nga kondisyon ang ginkumpirma man mismo ni Ginebra coach Tim Cone.
Bangud wala si Brownlee, nagpanguna sa defending champions si Christian Standhardinger nga nakatipon sang 29 points, 13 rebounds kag four assists.
Balantayan sa Byernes ang Game 6 sa amo man sa gihapon nga venue.
